ஆலமும் அமிர்தமும்

துளி 18

கூட்டினை
சுமந்தலையும்
நத்தையைப் போல
திரிகிறேன்
உன்னைச் சுமந்து


.

ஆலமும் அமிர்தமும்

துளி 17

பித்து பிடிக்கச் செய்துவிட்டாய் என்று
கோபித்துக் கொண்ட பொழுதில்
முத்தத்தைக் கையூட்டாக கொடுத்து
தப்பிச் செல்லும்
குழந்தையைப் போலும்
நழுவிச் செல்கிறாய்
விழிகள் ஒளிரும்
ஆழமானதொரு புன்னகையை
பரிசளித்தபடி


.

ஆலமும் அமிர்தமும்

துளி 16

பரணின் மூலையில்
ஒண்டியிருக்கும்
அணில் பிள்ளையென
கிறீச்சிட்டுக் கொண்டேயிருக்கிறது
என் இரவுக்குள் நுழைந்த
உன் காதல்




.

ஆலமும் அமிர்தமும்

துளி 15

தொடர்பு எல்லைக்கு
அப்பாலிருந்த போதும்
குரல் கேட்கிறேன்
நேற்றைய
உனது
குறுஞ்செய்திகளில்



.

ஆலமும் அமிர்தமும்

துளி. 14


முத்த சாவி
கொண்டு திறக்கிறாய்
நாளெல்லாம் நனைகிறேன்




.

இதழ்தூது

குறுஞ்செய்திகள்
எட்ட முடியாத
புற எல்லையில்
இருந்தபோதும்
தவறாது
வந்து சேர்ந்துவிடுகிறது
உன் முத்த செய்தி


.