ஆலமும் அமிர்தமும்

துளி 15

தொடர்பு எல்லைக்கு
அப்பாலிருந்த போதும்
குரல் கேட்கிறேன்
நேற்றைய
உனது
குறுஞ்செய்திகளில்



.

ஆலமும் அமிர்தமும்

துளி. 14


முத்த சாவி
கொண்டு திறக்கிறாய்
நாளெல்லாம் நனைகிறேன்




.

இதழ்தூது

குறுஞ்செய்திகள்
எட்ட முடியாத
புற எல்லையில்
இருந்தபோதும்
தவறாது
வந்து சேர்ந்துவிடுகிறது
உன் முத்த செய்தி


.

புன்னகை குறிப்பு

எல்லா புன்னகையும்
மகிழ்வின் அடையாளமா
கேட்டேன்
பதிலாய் தந்த
புன்னகையில்
அறிய முடிகிறது
கேட்கப்படாத
கேள்விகளுக்கான
பதில்களையும்


.

ஆலமும் அமிர்தமும்

துளி 11.


உறக்கத்திலிருப்பவளை
எழுப்பி
கனவென்னும் அடர்வனத்தில்
தள்ளிச் செல்லும்
கொடுங்கூற்று நீ



துளி 12.


தொலைத்து விட்ட
என் தூக்கத்தைத்
தேடிக் கொண்டிருக்கிறேன்
உன் கனவினில்



துளி 13.


தாகமாய் இதழ்கள்
குவளை
அமுதம் வேண்டாம்
துளி முத்தம்
போதும்




.

ஆலமும் அமிர்தமும்

துளி 10.


உனது பொழுதுகளை களவாடிப்
போன

தாக
குற்றம் சுமத்தித் திரிகிறாய்

அந்த பொழுதுகளோடு

நானும் இருப்பதை
ஏனோ நீ உணர்வதேயில்லை

உன் தூக்கத்தைப்
பறித்துக் கொண்டதாக
கோபித்துக் கொள்கிறாய்

பறி
போன

தூக்கத்தின் கனவுகளை மட்டும்
திரும்ப தரச்சொல்லி கெஞ்சுகிறாய்

உன் வேலைகளுக்கிடையே
நுழைந்து
கலகமூட்டுவதாக
குறை சொல்லிப்
போகிறாய்

அன்றாட மகிழ்வே நானென
தலையில் வைத்து
கூத்தாடவும்
செய்கிறாய்.




.

ஆலமும் அமிர்தமும்

துளி 7

என்னுள்ளே

நிறைந்து தளும்புகிறது

வெறுமை

நிறைத்திட

புன்னகை பூங்கொத்துடன்

வருகிறது

உன் காதல்

துளி 8

எதுவுமே எழுதவில்லையா

கேட்ட தோழிக்கு

எப்படி பதிலளிப்பது

ஆயிரமாயிரம் கவிதைகளாய்

நீ மட்டுமே

நிறைந்திருப்பதை

துளி 9

உள்ளிருந்தபடி பயணிக்கும்
இன்னொரு உயிர்
நீ